al-Shabaab oo weerartay ciidanka Puntland

Markii u dambaysay ee la cusboonaysiiyay: 5 December, 2012, 12:05 GMT 15:05 SGA

Ciidanka al-Shabaab waxa weli ay ka taliyaan qeybo ka mid ah Soomaaliya

Maamul goboleedka Puntland ayaa sheegay in weerarro xalay ka dhacay Puntland oo ay ku soo qaadeen alShabaab ay kaga dhinteen 12 askari oo ka tirsan ciidanka Puntland.

Wasiirka warfaafinta ee Puntland, Maxamuud Caydiid ayaa BBC u sheegay in ciidan ka tirsan al-Shabaab ay weerar ku soo qaadeen fariisimo ay joogeen ciidankooda xalay.

Waxa uu sheegay in ciidankooda ay iska difaaceen al-Shabaab oo ay qaar ka dileen, qaarna ka qabteen, laakiin waxa uu qirtay in dhinacooda dagaalkaasi laba askari ay uga dhinteen, halka tobanka kale ay ku dhinteen bam la qarxay.

Weerarkan ayaa waxa uu ku soo beegmayaa maalin kadib markii al-Shabaab ay weerarro kala duwan ku qaaday ciidanka dowladda Soomaaliya ee ku sugan gobolada Shabeelaha Hoose iyo Dhexe, halkaasi oo labada dhinacba uu ka soo gaaray qasaare dhimasho iyo dhaawac isugu jira.

Wararka la xiriira

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.